काठमाडौँ । आफ्नो कार्यकालको उत्तरार्द्धमा आइपुग्दा नेपाल चार्टर्ड एकाउन्टेन्टस संस्था (आईक्यान)का अध्यक्ष निल बहादुर सारुमगरले सुरुवात गरेका कामले प्रशंसा पाउन थालेका छन् । उनले आइक्यानको अध्यक्ष भएपछि सुरु गरेका केही नयाँ कामले प्रशंसा पाउन थालेका हुन् । यसै क्रममा उनकै पहलमा सुरु भएको ‘सिएफओ कन्केल्भ २०२६’ कार्यक्रमबाट पनि उनले राम्रो प्रतिक्रिया पाइरहेको पाइएको छ ।
पहिलो कार्यक्रम भएकाले सहभागिताका हिसाबले कार्यक्रम औसत भए पनि कार्यक्रम अन्य हिसाबले भव्य देखिन्थ्यो । आईक्यानले असार १६ गते ‘सिएफओ कन्केल्भ २०२६’ कार्यक्रम आयोजना गरेको हो ।
कार्यक्रममा विभिन्न कम्पनीका प्रमुख वित्तीय अधिकृत (सिएफओ), चार्टर्ड एकाउन्टेन्ट, उद्योगी–व्यवसायी, बैंक तथा वित्तीय संस्थाका प्रतिनिधि, नियामक निकायका अधिकारी, नीति निर्माता तथा वित्त व्यवस्थापनसँग सम्बन्धित विज्ञहरूको सहभागिता थियो ।
कार्यक्रमपछि सहभागीहरुले कार्यक्रम औसत रहे पनि आइक्यानले गज्जबको सुरुवात गरेको, र यसका लागि सारु बधाईका पात्र भएको प्रतिक्रिया दिएका थिए ।
प्रतिक्रिया दिनुहोस्