काठमाडौँ। नेपालका चार्टर्ड एकाउन्टेन्टहरूको संघ (एक्यान) ले संघको ३६औँ कार्यसमितिको आसन्न निर्वाचनका लागि चार्टर्ड एकाउन्टेन्ट गोपाल कुमार श्रेष्ठलाई निर्वाचन अधिकृतका रूपमा औपचारिक रूपमा नियुक्त गरेको छ । संघले सार्वजनिक रुपमै श्रेष्ठको नियुक्ति पुष्टी गरेको हो ।
अघिल्लो पटक उनकै नेतृत्वमा संघको चुनावमा फर्जी मत खसेको थियो । फर्जी मत खसेको थाहा हुँदा पनि आफ्नो कार्यसमिति नै अवैध हुने निष्कर्षपछि वर्तमान कार्यसमिति र त्यति बेला निर्वाचन गराएको कार्यसमितिले सो घटना सामसुम पारेको थियो । श्रेष्ठले भोटर लिष्टमा नाम नै नभएका व्यक्तिलाई पनि आजीवन सदस्य भन्दै भोट हाल्न दिएका थिए भने दिल्लीमा आफ्नो काममा व्यस्त रहेका सिएको नाममा नेपालमै भोट हाल्दा पनि सो घटना गुपचुप राखेका थिए ।
अझ श्रेष्ठले निर्वाचनका समयमा अलिअलि विवाद हुने भन्दै विवादाष्पद अभिव्यक्ति दिएका थिए । श्रेष्ठ निर्वाचन अधिकृत हुँदा फर्जी मत हालेकाहरु यस पटक पनि उनी नै निर्वाचन अधिकृत भएपछि थप उत्साहित भएका छन् । उनीहरुले यसपटक पनि फर्जी मत हाल्ने तयारी गरिरहेका छन् ।
केहि सिएहरुले लामो समयदेखि श्रेष्ठलाई नै निर्वाचन अधिकृत बनाउने कुरामा संघको नियतमै शंका रहेको भन्दै उजुरीको तयारीसमेत गएका छन् ।
प्रतिक्रिया दिनुहोस्