काठमाडौँ । आइक्यानले प्रदान गर्ने बिपीए अवार्ड विवादमा परेको छ । आइक्यानले पब्लिक सेक्टर बैंकका नाममा कृषि विकास बैंकलाई सिल्भर अवार्ड दिएपछि अवार्ड विवादमा तानिएको हो ।
किन पर्यो विवादमा अवार्ड ?
आइक्यानले कृषि बिकास बैंकलाई पब्लिक सेक्टर बैंक विधा अन्तर्गत सिल्भर अवार्ड दिएको थियो । गोल्डका लागि नम्बर नम्बर नपुगेपछि अवार्ड प्रदान गरिएको कृषि बिकास बैंक मात्र सो रेसमा थिए । अवार्ड दिने जुरी टिममै यो अवार्ड प्रदान नगरौं भन्ने सल्लाह भएपनि पछि कृषि बिकास बैंकलाई अवार्ड दिईएको भन्दै जुरी सदस्यमध्येका एकले नै पोल खुलिदिएपछि सो अवार्ड विवादमा तानिएको हो ।
‘कृषि बिकास बैंकको वित्तीय प्रतिवेदन हेरेपछि नेपालमा कस्तो बैंकले अवार्ड पाएको रहेछ भन्ने अन्तराष्ट्रिय स्तरमा नेपालको बेइज्जत हुने खालको छ ।’ जुरीमा रहेका एक सदस्यले भने, ‘मैले त नदिउँ नै भनेको थिएँ, तर एमालेको भागमा एउटा अवार्ड त हुनुपर्छ जस्तो कुरा आयो । सीइओको राजनीतिक कनेक्सनको समेत कुरा गरियो । त्यसपछि अवार्ड दिईयो ।’
यहि कुरा उनले सिएहरुका विभिन्नबैठकमा भनेपछि अहिले विवाद सतहमा आएको हो ।
दोश्रो पटक विवाद
यो अवार्ड आइक्यानले दिएको अवार्डमा भएको विवादको दोश्रो अध्याय हो । यसभन्दा अघि सिटिजन्स बैंकले सेयरधनीलाई बाँडेको वित्तीय प्रतिवेदन नभई, अवार्ड पाउनकै लागि छुट्टै प्रतिवेदन बनाएको पाइएपछि सो अवार्ड विवादमा तानिएको थियो । बैंकले एक सिएलाई नै वित्तीय प्रतिवेदनलाई अवार्डका लागि छुट्टै राम्रो बनाउने काम नै दिएको पाइएपछि पछि पब्लिकलाई वितरण गरिने प्रतिवेदन नै अवार्डमा सहभागी हुनुपर्ने नियम आइक्यानले बनाएको थियो । त्यसपछि सिटिजन्स बैंकले अवार्ड नै पाएको छैन । सो विवादपछि अहिले कृषि बिकास बैंकको अवार्ड विवादमा तानिएको हो ।
कृषि विकास बैंकले प्रस्तुत गरेका वित्तीय विवरणमा कतिपय ठाउँमा कैफियतसमेत छन् । यस्तो प्रतिवेदनलाई अवार्ड दिएको भन्दै विवाद बढेपछि जुरी समूहमध्येका केहिले गल्ती महसुस समेत गरेको बताएका छन् ।
प्रतिक्रिया दिनुहोस्