काठमाडौँ । सिएहरुले बदमासी गर्दा आइक्यानले कारवाही नगरेको निष्कर्षसहित सरकार के गर्ने भन्ने विषयमा आन्तरिक छलफलमा जुटेको छ । काँग्रेस एमालेको भागबण्डाका कारण कारवाही गर्नुपर्ने व्यक्तिहरुलाईसमेत कारवाही नगरिएको विषयबारे ब्रिफिङपछि अर्थ मन्त्रालयका अधिकारीहरु आइक्यानलाई कसरी सुधार गर्ने भन्ने विषयमा छलफलमा जुटेका हुन् ।
आइक्यानमा एमाले काँग्रेससँग सम्बन्ध नभएकाहरुलाई नेतृत्व दिने वा कारवाहीको अधिकार नै थुतेर अर्को निकाय बनाउने भन्ने विषयमा सरकार आन्तरिक छलफलमा जुटेको हो ।
‘काँग्रेस एमालेले सेटिङ्ग गरेर आफ्ना मान्छेलाई कारवाही नगरेको पाइएपछि यस विषयमा छलफल अघि बढेको छ ।’ अर्थ मन्त्रालयका एक अधिकारीले भने, ’आइक्यानमा व्यापक सुधारको खाँचो छ । अव फरक शिराबाट काम गर्नुपर्नेछ ।’
ती अधिकारीका अनुसार अहिले आइक्यानको काउन्सिल सदस्य रहेकाहरुको एक एक रिपोर्टिङ्ग सरकारमा पुगेको छ । को को कारवाहीमा पर्नुपर्ने थियो ? को कोलाई कसकसले किन जोगाए, कसको स्वार्थ के थियो ? लगायतका विषयमा ब्रिफिङ भईसकेको र यस विषयमा गम्भीर भएर काम अघि बढेको ती अधिकारीको दाबी छ । ’काँग्रेस एमालेले सेटिङ्ग गरे, अव केही नयाँ सोच्नुपर्छ भन्ने कुरा छ, हेरौँ के के हुन्छ ।’
प्रतिक्रिया दिनुहोस्