काठमाडौँ। सीए अनुप शर्माको कम्पनी सबरत एग्रो फार्म प्राइभेट लिमिटेडले ६० लाख थप लगानी पाएको छ। शार्क ट्याङ्क नेपालमा सबरत एग्रो फार्म कम्पनीका सह-संस्थापकहरू नितेश कटुवाल र अनुप शर्माले शार्क क्याबिनेट र सौरभबाट २० प्रतिशत इक्विटीको लागि ६० लाख पाएका हुन्।
उनीहरूले शार्क ट्याङ्क नेपालमा १० प्रतिशत इक्विटीको लागि ६० लाख मागेका थिए। सार्क ट्याङक नेपालमा ६० लाख लगानी पाएपछि सीए अनुप शर्मालाई नेपाल चार्टर्ड एकाउन्टेन्ट्स संघ (एक्यान) ले सबरत एग्रो फार्म प्राइभेट लिमिटेडलाई बधाई दिएको छ। एक्यानले एक सूचना जारी गर्दै सबरत एग्रो फार्म प्राइभेट लिमिटेडलाई बधाई दिएको हो।
शार्क ट्याङ्क नेपालमा उल्लेखनीय सम्झौता सफलतापूर्वक हासिल गरेकोमा सबरत एग्रो फार्म प्राइभेट लिमिटेडका संस्थापक सिए अनुप शर्मा र नितेश कटुवाललाई बधाई दिएको छ।
एक्यानले व्यवसायलाई नयाँ उचाइमा पुर्याउँदै निरन्तर सफलताको कामना समेत गरेको छ।
प्रतिक्रिया दिनुहोस्