काठमाडौँ। सिड फाइनान्सियल एकेडेमीले विश्व प्रथम स्थान प्राप्त गर्न सफल विद्यार्थी सुशान्त भट्टलाई सम्मान गरेको छ। एकेडेमीले जुन २०२५ को ‘फाइनान्सियल रिपोर्टिङ’ विषयमा विश्व प्रथम स्थान प्राप्त गर्न सफल विद्यार्थी सुशान्त भट्टलाई सम्मान गरेको हो ।
एकेडेमीले सुशान्त भट्टको उत्कृष्ट उपलब्धिको कदर गर्दै उनलाई २० हजार रुपैयाँ र सम्मानपत्र प्रदान गरेको छ । निरन्तरता, समर्पण र लगनशीलता प्रस्तुत गर्दै भट्टले सिड विद्यार्थीको उच्च मान्यता स्थापित गरेको संस्थाले जनाएको छ।
यस उपलब्धिमा उनको व्यक्तिगत मेहनतसँगै सिडका शिक्षक बाबुराम अधिकारी र विद्यार्थी सल्लाहकार साहिल महार्जनको भूमिका पनि उल्लेखनीय रहेको एकेडेमीले उल्लेख गरेको छ।
भट्टको सफलताले सिडको शैक्षिक दृष्टिकोण र प्रतिबद्धतालाई थप बल पुर्याएको छ।
प्रतिक्रिया दिनुहोस्