काठमाडौँ। नेपाल चार्टर्ड एकाउन्टेन्ट्स संस्था (आइक्यान) ले आन्तरिक लेखा परीक्षा म्यानुअल २०२५ र सूचना प्रणाली लेखा परीक्षा म्यानुअल २०२५ प्रकाशित गरेको छ। १३ मे २०२५ मा बसेको आइक्यानको ३४७औँ परिषद्को निर्णयअनुसार आन्तरिक लेखा परीक्षा म्यानुअल २०२५ र सूचना प्रणाली लेखा परीक्षा म्यानुअल २०२५ प्रकाशित भएको हो।
म्यानुअलहरू सदस्य तथा सरोकारवालाहरूका लागि मार्गनिर्देशनका रूपमा तयार पारिएका छन्। जसले आन्तरिक लेखा परीक्षा र सूचना प्रणाली लेखा परीक्षा अभ्यासमा स्तरीयता, निरन्तरता र एकरूपता ल्याउने उद्देश्य राख्ने आइक्यानले जनाएको छ। म्यानुअलहरूको सफ्टकपी आइक्यानको वेबसाइटमा Laws-Legislation सेक्सनअन्तर्गत उपलब्ध छ, जसमा आन्तरिक लेखा परीक्षा म्यानुअल र सूचना प्रणाली लेखा परीक्षा म्यानुअल प्रत्यक्ष डाउनलोडका लागि लिंक मार्फत सजिलै पढ्न सकिन्छ।
साथै, प्रिन्ट कपी चाहिने सदस्यहरूले आइक्यानको मुख्य कार्यालय (सत्तदबाटो, ललितपुर) मा गएर पनि प्राप्त गर्न सक्ने आइक्यानले जनाएको छ। सूचनासहित:
प्रतिक्रिया दिनुहोस्