काठमाडौँ । आइक्यानको नयाँ अध्यक्ष र उपाध्यक्षका लागि यहि असार ३१ गरे चुनाव हुने भएको छ । अहिलेका उपाध्यक्ष र अध्यक्षको कार्यकाल सकिएसँगै चुनाव हुन लागेको हो । ३१ गते चुनाव सकेर नवनिर्वाचित अध्यक्ष र उपाध्यक्षको पदभार ग्रहण साउन १ गते हुने कार्यक्रम निर्धारित भएको आइक्यानका एक काउन्सिल सदस्यले पुष्टी गरेका छन् ।
यसपटक उपाध्यक्षका लागि ३ जना आकांक्षी देखिएका छन् । अमन उप्रेती, हेम काफ्ले र उमेश राज पाण्डेय उपाध्यक्षको आकांक्षी देखिएका हुन् । तीनै जनाले आफु उपाध्यक्षमा उठ्न लागेको पुष्टी गरेका छन् ।
अध्यक्षमा भने २ जना आकांक्षी देखिए पनि निर्विरोध रुपमा आनन्द राज शर्मा वाग्लेलाई अध्यक्षमा निर्वाचित गराउन लविङ्ग भईरहेको बुझिएको छ ।
यसपटक अघिल्लो पटकको तुलनामा चुनावमा भोटर भने कम हुनेछन् । सरकारले सरकारी प्रतिनिधि नपठाएकाले, र सिए हरि कुमार सिलवाल अमेरिकामा रहेकाले भोटरहरु कम हुने देखिएको हो ।
चुनावसम्म अर्का एक भोटर प्रहरी हिरासतमा पुग्ने सम्भावना भएकाले त्यसो भए भोटरको संख्या थप घट्ने देखिन्छ । अहिले प्रहरीले गरिरहेको एउटा अनुसन्धानमा जोडिएपछि एक काउन्सिल सदस्य जुनसुकै बेला पक्राउ पर्न सक्ने सम्भावना देखिएकाले त्यसले पनि चुनावको माहोल फरक बनाउन सक्ने अड्कल काटिएको छ ।
प्रतिक्रिया दिनुहोस्