काठमाडौँ। सीए अनुपमा संग्रौला दक्षिण एसियामा पछ्याउनु पर्ने १० शीर्ष आवाजहरूको सूचीमा परेकी छिन्। वित्तीय साक्षरता र कर शिक्षामा जनचेतना फैलाएर ठुलो भुमिका खेलेर सामाजिक सञ्जालमा ३२५,००० भन्दा बढी फलोअर्सको समुदाय निर्माण गरेकी उनी दक्षिण एसियामा पछ्याउनु पर्ने १० शीर्ष आवाजहरूको सूचीमा परेकी हुन्।
उनले वित्तीय साक्षरता र कर शिक्षा सम्बन्धी छोटो र प्रभावकारी भिडियो सामग्रीहरू इन्स्टाग्राम र टिकटकमा प्रस्तुत गर्दै लाखौं फलोअर्स कमाएकी हुन्।
छोटो समयमै टिकटक र इन्स्टाग्राममार्फत वित्तीय साक्षरताको सन्देश फैलाएर चर्चामा आएकी चार्टर्ड एकाउन्टेन्ट अनुपमा सङ्ग्रौलाले आफ्नो युट्युब जर्नि पनि सुरु गरेकी छिन् । उनले लामा भिडियोमार्फत पनि वित्तीय सचेतना फैलाउन सुरु गरेकी छिन् ।
सिए महिलाका रुपमा आफ्नो अलग्गै नाम बनाउन सफल संग्रौलाले बनाएका भिडियोहरु लाखौँले हेरिरहेका छन् । ऋण कसरी नियन्त्रण गर्ने, बचत गर्ने व्यवहार कसरी विकास गर्ने, लगानी गर्ने सोच कहाँबाट सुरु गर्नेजस्ता विषयहरू उनले सरल भाषामा समेटेकी हुन्छिन् । उनी युवामाझ सार्है चर्चित छिन् ।
प्रतिक्रिया दिनुहोस्