काठमाडौँ । नेपाल चार्टर्ड एकाउन्टेन्टस् संघ (एक्यान) को आशन्नको निर्वाचनमा महासचिव पदका लागि सुनिल बुढाथोकी र प्रदीप अर्यालले उम्मेदवारी दिएका छन् । दुवै जनाले बिहीबार उम्मेदवारी दिएका हुन् ।
संघको महासचिवमा सिए सुनिल बुढाथोकी र सिए प्रदीप अर्याल एकआपसमा भिड्दैछन् । उनीहरु एकै समूहका भएको चर्चा भए पनि यसपटक चुनावमा आमनेसामने देखिएका छन् ।
संघको चुनाव यहि असोज ३ गते हुँदैछ । यता अध्यक्ष पदका लागि सिए अनुप नेपाल र बद्री गुरागाईं उम्मेदवार बनेका छन् भने उपाध्यक्ष पदका लागि राजु ढकाल, अनिल लामिछानेले र लोकेन्द्र ऐरले उम्मेदवारी दिएका छन् ।
गुरागाईं यसअघिको निर्वाचनमा सिए आनन्द राज शर्मा वाग्लेसँग पराजित भएका थिए भने अनुप नेपाल यसअघि निर्विरोध निर्वाचित भएका उपाध्यक्ष हुन् ।
त्यस्तै, उपाध्यक्षमा सिए राज ढकाल, सिए अनिल लामिछाने, लोकेन ऐर उम्मेदवार बनेका छन् । ढकाल यसअघि संघमा कोषाध्यक्ष भईसकेका व्यक्ति हुन् भने लामिछाने कार्यसमितिमा बसेर काम गरेका सिए हुन् । ऐर पनि सिएहरुको समूहमा चलेका पात्र हुन् ।
संघको कोषाअध्यक्षमा प्रदीप मल्ल र सविन कार्की उठेका छन् । संघको कार्यसमितिमा महिलातर्फ सजना मैनाली निर्विरोध निर्वाचित भएकी छिन् भने खुलातर्फ इशा अधिकारी, अन्जली सावद, सुमन न्यौपाने, रिजिता श्रेष्ठ, गुरु प्रसाद पोखरेल, र मिथलेश प्रसाद चौधरीले उम्मेदवारी दिएका छन् ।
प्रतिक्रिया दिनुहोस्