काठमाडौँ । चार्टड एकाउन्टेन्ट मनोजकुमार ज्ञवालीले ‘पल्स टु’ पढ्ने विद्यार्थीहरूलाई सुझाव दिएका छन्। नबिल बैंकको प्रमुख कार्यकारी अधिकृत (सीईओ) सीए मनोज ज्ञवालीले पल्स टु पढ्ने विद्यार्थीहरूलाई शिक्षा प्रदान गर्ने उद्देश्यले सुझाव दिएका हुन्।
ब्रिजवाटर इन्टरनेशनल कलेजले साउन ९ गते शुक्रबार अनुपम फुडल्याण्ड, बत्तीसपुतलीमा आयोजना गरेको विद्यार्थी अभिमुखीकरण कार्यक्रममा बोल्दै सीए ज्ञवालीले विद्यार्थीहरूलाई मोबाइल बढी नचलाउ र ८ वर्षसम्म लभ नगर्न समेत सुझाव दिएका छन्।
उनले कार्यक्रममा बोल्दै भने, ‘८ वर्ष लभ नगर्नू, मोबाइल बढी नचलाउनु, हरेक दिन हरेक समय पढाईलाई दिनुहोला, लभ गर्ने समय पछि आउँछ।’ साथै, उनले आफ्नो गृहकार्य घरमै गर्ने बानीको विकास गर्न पनि आग्रह गरेका छन्। पछिल्लो समय घरमा धेरै मोबाइल चलाउने र गेम खेल्ने प्रवृत्ति बढेसँगै यस्तो बानीको अन्त्य गर्नुपर्ने उनले सुझाव दिएका छन्।
कार्यक्रममा उनले आफुले कोचिङ्ग नपढी आफ्नो मेहनतले सीए पास गरेको समेत उल्लेख गरेका छन्। ज्ञवालीले पढ्ने बेलामा पढाईमा मात्र ध्यान दिन विद्यार्थीलाई अनुरोध गरेका छन्।
प्रतिक्रिया दिनुहोस्