काठमाडौँ । चार्टर्ड अकाउन्टेन्ट सुजित पोखरेल विरुद्ध भ्रष्टाचार मुद्धा दर्ता भएको छ। पतञ्जलिको जग्गा सम्बन्धि ऋण प्रकरणमा उनीविरुद्ध भ्रष्टाचार मुद्दा दायर भएको हो । तत्कालीन सनराइज बैङ्कमा रहँदा पतञ्जलिलाई ऋण दिएको केसमा उनलाई मतियारका रुपमा अख्तियार दुरुपयोग अनुसन्धान आयोगले मुद्धा दर्ता गरेको हो । उक्त मुद्दामा पोख्रेलसहित अन्य ११ जनालाई पनि प्रतिवादी बनाइएको छ ।
सो ऋण चुक्ता भईसके पनि अख्तियारले ऋण दिने काममा मतियारको रुपमा संग्लग्न भएको भन्दै सिए पोखरेलसहित अन्यलाई पनि मुद्धा दर्ता गरेको छ । अख्तियारले दायर गरेको दाबी पुष्टि भए पोखरेललाई जेल सजाय र आर्थिक जरिवानासमेत हुन सक्ने स्थिति छ ।
तर यस विषयमा नियामक आइक्यान र सिएहरुको संघ बोलिरहेको छैन ।
आइक्यान र एक्यान बोल्न नमिलेको कि नखोजेको ?
यस विषयमा आइक्यान र एक्यान केहि बोलेका छैनन् । अदालतमा विचाराधीन मुद्धा भएकाले यस विषयमा बोल्न नमिलेको तर्क संस्था र संघका पदाधिकारीहरुको छ । ‘एउटा निकायले अदालतमा मुद्धा दर्ता गरेको विषयमा आइक्यान बोल्न नमिलेको हो ।’ आइक्यानका एक पार्षदले सिए सरोकारसँग भने, ‘पूराना सिएमाथि लागेको यस्तो आरोपले हामी दुखी छौं । तर हामी दुखी हुन बाहेक केहि गर्न सक्दैनौँ । उनले दोषी भए सजाय पाउलान्, निर्दोष भए सफाई पाउलान् ।’
एक्यानका पदाधिकारीहरुको तर्क पनि यस्तो विषयमा संघ बोल्न नमिलेको भन्ने नै छ । ‘अख्तियारले अदालतमा मुद्धा दर्ता गरेको विषयमा संघले के भनेर बोल्ने ? हामी उनलाई अदालत फेस गर बाहेक केहि भन्न सक्दैनौँ ।’ संघका एक पदाधिकारी भन्छन्, ‘बैंकर्स संघ पनि बोलेको छैन, बोल्न नमिलेर नै होला । यो लेखापरीक्षणको विषय पनि होइन । त्यसैले हामी बोल्ने स्थिति छैन ।’
प्रतिक्रिया दिनुहोस्