आईक्यानले आउँदो जुन महिनामा लिने परिक्षाको फर्म भर्न पुगेका कतिपय बिधार्थीहरु फर्म नै नपाएपछी परिक्षा फर्म नै नभरी फर्केका छन्। आज आईक्यानमा करिव १२ बजे पुगेका बिधार्थीहरु आधा घण्टासम्म कुर्दा पनि फर्म नआएपछी घर फर्केका हुन्। परिक्षाको तयारी गरिरहेका बेला अलिकति समय मिलाएर आईक्यान आएको बताउने क्याप टु मा अध्ययनरत एक बिधार्थीले भने ,”१२ बजे आएको १२:३० भैसक्यो फर्म आउंदैछ रे ! ” केहि मलिन हुँदै उनी भन्छन् ” भवन मात्र ठुलो भएछ आइक्यानको सोच अझै सानो नै छ !” उनले थपे। १२ बजे तिर परिक्षा फर्म सकिएपछी बिधार्थी आधा घण्टा जति फर्म कै पर्खाइमा बसेका थिए। उपस्थित बिधार्थीहरु मध्ये धेरैले सिए सरोकारलाई फर्म नपाएर पाएको हैरानी बारे खबर गरेका थिए।
यस बारे बुझ्न सिए सरोकार कर्मीले आइक्यानका अध्यक्ष नरेन्द्र भट्टराइलाई सम्पर्क गर्ने प्रयास गरेका थिए। तर उनको फोन नलागेपछी आइक्यानका उपाध्यक्षलाई सम्पर्क गरिएको थियो। आइक्यानका उपाध्यक्ष प्रकाश लम्शालले परिक्षा साखाका कर्मचारी श्याम मणि दाहाललाई भेट्न आग्रह गरेपनि उनी बिदामा रहेको जानकारी पाएपछी आइक्यानका उपाध्यक्ष कै निर्देशनमा आइक्यानका कर्मचारी भक्त कार्कीकहाँ पुग्दा आइक्यानका कर्मचारी कार्कीले एक छिन मै फर्म आइपुग्ने भन्दै सिए सरोकारका पत्रकारसंग थप कुरा गर्न चाहेनन्। तर त्यसको निकै समयपछी पनि फर्म नआएपछी केहि बिधार्थी फर्म भोलि भरौंला भन्दै घर फर्किएका थिए।
फोटोकपी गर्न पनि समस्या : निकै ठुलो भवन भए पनि आइक्यान वरिपरी फोटोकपी गर्ने ठाउँ नहुँदा बिधार्थीहरु निकै टाढा पुगेर फोटोकपी गर्न जान बाध्य भएका छन्। आइक्यानका बिधार्थीहरुलाई फर्म भर्ने बेलामा ईसी लगायतका कागजातको फोटोकपी आबश्यक पर्ने गर्दछ। तर आइक्यानमा एउटा फोटोकपी मेसिन सम्मको ब्यबस्था नहुँदा बिधार्थीहरु निकै नै मर्कामा परेका छन्।
प्रतिक्रिया दिनुहोस्