आफुले केहि ट्रेनीहरुको दर्खास्त आहवान गर्दा नक्कली सर्टिफिकेट सहितको दर्खास्त परेको आसय सहितको फेसबुक स्ट्याटस राखेका सिए सन्जय चौधरीले नियोजित रुपमा आफ्नो बेइजति गर्न खोजेको बलराम पोखरेलले आरोप लगाएका छन् । आइतबार साँझ सिए सरोकारलाइ सम्पर्क गर्दै उनले नियोजित रुपमै सिए सन्जय चौधरीले आफ्नो मार्कशिटलाई डिजिटल सम्पादन गरी बद्नियत रुपमा आफ्नो मानहानी गर्न खोजेको आरोप लगाएका छन्।
उनले आफु आइसीएआइको सदश्य भएको बताउँदै सिए सरोकारलाइ आफ्नो योग्यताको प्रमाणपत्रको प्रतिलिपि पठाएका छन्। उनले आइसीएआइसंग आफ्नो शैक्षिक / पेशागत योग्यतालाई ‘भेरिफाइ’ गर्न समेत चुनौती दिएका छन्। ‘ संजय चौधरीले आफैं मेरो सर्टिफिकेटलाई ‘इडिट’ गरेका हुन्। मैले उनको फर्ममा काम गर्दिन भनेपछि त्यसको रिशको झोकमा उनले फेसबुकमा अतिरन्जित स्ट्याटस राखे।’ सिए सरोकारसँग उनले भने।
उनले आफ्नो सिए सदश्यता नम्बर ५३७९५९ भएको भन्दै आफुले सिए फाइनलको दोश्रो ग्रुप मे,२०१५ मा दिएको र त्यसबेला आफ्नो रोल नम्बर १६२०१६ भएको र पिन नम्बर २९१३ भएको र सिए फाइनल अन्तर्गतको पहिलो ग्रुप नोभेम्बर २०१४मा उतिर्ण गरेको र त्योबेला आफ्नो रोल नम्बर १५४०५४ भएको र त्यो बेला पनि आफ्नो पिन नम्बर १९१३ रहेको बताउँदै उक्त सदस्यताको प्रमाणपत्र समेत हामीलाई पठाएका छन्
प्रतिक्रिया दिनुहोस्