- सिए सरोकार सम्बाददाता
काठमाडौँ – नेपाल चार्टड एकाउन्टेन्ट्स संघ (एक्यान) ले आयोजना गरेको पहिलो फुट्सल मेनियामा जीपी राजवहाक एण्ड कम्पनी बिजयी भएको छ । हिजो भएको फाइनल खेलमा सुबोध एसोसीएट्सलाइ १-० ले हराउंदै जीपी राज बहाक एण्ड कम्पनीले उक्त जीत हासिल गरेको हो ।
कार्यक्रममा प्रथम हुने समुहलाई ५० हजार रुपैयाँ सहित ट्रफी, मेडल र प्रमाणपत्र सहित पुरस्कृत गरिएको थियो भने दोश्रो हुने समुहलाई ३५ हजार रुपैयाँ, ट्रफी, मेडल र प्रमाणपत्र सहित सम्मान गरिएको थियो । एक्यानले पहिलो पटक आयोजना गरेको एक्यान फुट्सल मेनियामा विभिन्न सिए फर्म र कर्पोरेट हाउसका सिएहरुको समूहले सहभागीता जनाएका थिए ।
प्रतियोगितापछी आयोजना भएको पोष्ट म्याच कार्यक्रममा एक्यानका अध्यक्ष हरि सिलवालले र एक्यानका कोषाध्यक्ष दुर्गाप्रसाद ज्ञवालीले आफ्नो भनाइ व्यक्त गरेका थिए । कार्यक्रममा उक्त प्रतियोगितामा सयोग गर्ने, प्रायोजक, ग्लोबल कलेजका प्रतिनिधि, एनाकासाका प्रतिनिधि र पत्रकारलाई पनि प्रमाणपत्र प्रदान गरिएको थियो ।
बिजयी टोलीलाई हाम्रो पनि बधाई !
प्रतिक्रिया दिनुहोस्