आज आइक्यानको २४औँ बार्षिकोत्सव, एभरेष्ट होटलमा तेश्रो दिक्षान्त समारोह हुँदै, अर्थमन्त्री पौडेल प्रमुख अथिति

काठमाडौँ । नेपाल चार्टर्ड एकाउन्टेन्ट्स संस्था (आइक्यान) ले आज संस्थाको २४औं बार्षिकोत्सव मनाउँदैछ । बार्षिकोत्सवकै अवसरमा संस्थाले तेश्रो चार्टड एकाउन्टेन्ट दिक्षान्त समारोहको समेत आयोजना गरेको छ ।

दिउँसो ३ बजेबाट एभरेष्ट होटलमा आयोजना हुने उक्त कार्यक्रममा आइक्यानबाट उतिर्ण भएका ३० बढी सिएहरु दीक्षित हुँदैछन् ।

अर्थमन्त्री विष्णुप्रसाद पौडेल प्रमुख अथिति हुने उक्त समारोहका बीच आइक्यानमा कार्यरत कर्मचारीहरुमध्येबाट उत्कृष्ट हुने कर्मचारीलाई नगदसहित प्रमाणपत्र वितरण गर्ने कार्यक्रमसमेत छ भने विभिन्न विशिष्ट अथितिहरुले मन्तव्य राख्ने कार्यक्रम पनि छ । कार्यक्रममा प्रमुख बक्ताका रुपमा प्रा. डा. सुरेशराज शर्माले विशेष मन्तव्य राख्ने कार्यक्रम छ भने महालेखापरीक्षक, शिक्षामन्त्री लगायतले पनि आफ्नो मन्तव्य राख्ने कार्यक्रम छ।

सिए सरोकारले कार्यक्रमको विशेष कभरेज गर्नेछ ।