- सिए सरोकार सम्बाददाता
काठमाडौँ । नेपाल चार्टर्ड एकाउन्टेन्ट्स संघ (एक्यान) को ३६ औं बार्षिक साधारणसभामा शिक्षामन्त्रीले दिएको अभिव्यक्ति विवादित बनेको छ । मन्त्री कृष्ण गोपाल श्रेष्ठले उक्त साधारणसभामा ‘विद्यार्थीहरु स्कुलमै सुरक्षित भएकाले विद्यालय बन्द गर्नु नपर्ने अभिव्यक्ति दिएका थिए । तर सरकारले आज १४ जिल्लाका सबै विद्यालयहरु बन्द गर्ने निर्णय मन्त्रीपरिषदबाट गर्ने भएपछी (सो निर्णय भईसकेको छ) अन्य नेता र केहि मन्त्रीले शिक्षामन्त्रीले दिएको विवादित अभिव्यक्तिबारे उनीसँग सोधेका थिए ।
सो भिडियो अर्थ सरोकार डटकमको टिकटक च्यानलमार्फत भाइरल भएपछी मन्त्रीलाई अन्य मन्त्री र नेकपा एमालेका नेताहरुले ‘त्यस्तो पनि बोल्ने हो ?’ भन्दै सोधेको एक नेताले सिए सरोकारलाई बताएका छन् । सो भिडियो एकाएक भाइरल भएपछी मन्त्रीको तिब्र आलोचना भएको छ ।
शनिबार संघको कार्यक्रममा मन्त्रीले निकै आक्रामक र निकै हल्का अभिव्यक्ति दिएका थिए।
प्रतिक्रिया दिनुहोस्