क्यान्डीडेट वाच-१० : ‘एजेन्डा माष्टर’ सुजन कुमार काफ्लेले चुनाव जित्ने सम्भावना कति छ ?

सुजन कुमार काफ्ले हाल प्राक्टिसमा रहेका सिए हुन् । आइक्यानको गत चुनावमा प्रकाश लम्साललाई आवश्यकभन्दा बढी विश्वास गर्दा चुनाव हारेका काफ्लेले यसपटक निकै मेहेनत गरेका छन्। अझ सटिक रुपमा गत चुनाव हारेको केहि समयपछि नै उनले अर्को चुनावको तयारी थालिसकेका थिए । आफ्नाले साथ नदिएर मात्रै हो, एजेन्डा हेर्ने हो भने उनी एजेन्डा माष्टर नै छन् । आइक्यानमा सिएहरुको स्कोप बढाउनका लागि उनले धेरै सोचेका छन् । बिगत लामो समयदेखि प्राक्टिसमा रहिरहेका उनीसंग यस अघि कर प्रशासनमा रहेर काम गरेको अनुभव पनि छ ।  

धेरै चोट खाईसकेको भएर होला, यसपटक उनले राम्रो मेहेनत गरेका छन् । यसपटकको उनको राम्रो पक्ष भनेको उनले आफ्नैमेहनतलाई बढाएका छन् । धेरैसम्म पुग्ने प्रयास गरेका छन्।  चुनावको राम्रो तयारी गरेका छन् उनले । यसपटक आइक्यानमा गएर अन्तिमपटक सेवा गर्ने धोको छ उनको।  चुनाव जितेको खण्डमा उनी आइक्यानको नेतृत्वकोसमेत दाबेदार हुन् ।    

सुजन कुमार काफ्लेले अघिल्लो पाला नै चुनाव जित्थे। तर उनलाई आफ्नैले भोट हालेनन् । आइक्यानका उम्मेदवारहरुमध्ये राम्रो एजेन्डा बोकेर हिंडेका सिएहरुमध्येका एक हुन् काफ्ले । कसैले आफ्नो वा पराई नभनी एजेन्डा हेरेर भोट हाल्ने हो भने, त्यो लिष्टमा सुजन काफ्ले अगाडी नै आउँछन् । सिएको स्कोप बढाउनेदेखि आइक्यानलाई बलियो बनाउनेसम्मका एजेन्डा छन् उनीसंग।  अरु सिए र उनीबीच के फरक छ भने अरुसंग पनि एजेन्डा छन, तर उनीसँग एजेन्डा पूरा गर्ने भिजनसमेत छ ।  

यसपटक सुबोध कर्णजतिको मान्छेलेसमेत साथ दिएका हुनाले पनि उनले चुनाव जित्ने सम्भावना छ ।

तर कुरो उही, उनी आफु ठिक भए पनि उनको संगत खास गतिलो छैन।  संगत नै हेर्ने हो भने न आश गर्ने ठाउँ छ, न भोट दिने आधार छ । तर यो पक्षलाई सुधार्ने हो भने उनी साच्चै नेता हुन सक्छन्।