- सिए सरोकार सम्बाददाता
काठमाडौं । राष्ट्रिय वाणिज्य बैंकले चार्टर्ड एकाउन्टेन्ट माग गरेको छ । बैंकले १ वर्षे करार सेवा अवधिको लागि ११ जना चार्टर्ड एकाउन्टेन्ट माग गरेको हो ।
इच्छुक तथा योग्यता पुगेका आवेदकले सूचना प्रकाशन भएको मितिले ८ दिन भित्र आवेदन दिन सकिने बैंकले जनाएको छ ।
अन्तर्वार्ताको माध्यमबाट उम्मेदवार छनौट गरिने र नियुक्त हुने करार चार्टर्ड एकाउन्टेन्टलाई बैंकका विभिन्न विभाग तथा कार्यालयहरूमा पदस्थापन गरिने बैंकले जनाएको छ ।
दरखास्त फाराम बैंकको वेबसाइट वा बैंकको केन्द्रीय कार्यालय मानव संसाधन विभागबाट प्राप्त गर्न सकिने र परीक्षा दस्तुर सात सय रुपैयाँ रहेको बैंकले जनाएको छ । बैंकका अनुसार बैंकको केन्द्रीय कार्यालय भवन सिंहदरबारमा अन्तर्वार्ता सञ्चालन हुनेछ ।
प्रतिक्रिया दिनुहोस्