एनकासाबाट शिवराम कटवालले दिए राजिनामा, नायाँ अध्यक्षमा मनोज पौडेल

नेपाल चार्टड एकाउन्टेन्ट्स बिधार्थी एसोसिएसन (एनकासा) बाट सिवराम कटवालले राजिनामा दिएका छन । एक बर्षको कार्यकाल सकिएसंगै कटवालले एनकासाको अध्यक्ष पदबाट राजिनामा दिएका हुन । आफ्नो कार्यकालभर नेपाली सिए बिधार्थी माझ निकै नै राम्रो अध्यक्षको रुपमा ख्याती कमाएका कटवाल एनकासाको कार्यसमितीमा भने रहने एनकासा स्रोतले बताएको छ । यसै बिच एक प्रेस बिज्ञप्ती जारी गर्दै एनकासाले शिवराम कटवालको राजिनामा स्विकृत गरेको बताएको  छ । कार्यसमिती हेरफेर भएको जानकारी दिदै एनकासाले नया अध्यक्षमा मनोज पौडेल्, उपाध्यक्षमा अनिल शर्मा , र सचिव मा दामोदर पौडेल हुने गरी कार्यसमितीमा हेर्फेर भएको जानकारी दिएको हो । कोषाध्यक्ष मा भने ऋषि राम पोखरेलले नै निरन्तरता दिनुहुने भएको छ । अन्य कार्यसमितिका सदश्य पनि पुरानै रहने  बताइएको छ  । यसै बीच पूर्व अध्यक्ष कटवालको सफल कार्यकालका लागि बधाई दिदै उहालाई एनकासाको तर्फबाट कदर पत्र प्रदान गरिएको खबर छ ।