काठमाडौँ । नेपाल चार्टर्ड एकाउन्टेन्टस् संस्था (आईक्यान)को २८औँ वार्षिकोत्सव विभिन्न कार्यक्रम गरी मनाइँदैछ । बिहीबार काठमाडौँको होटल एभरेष्टमा आइक्यानको वार्षिकोत्सव कार्यक्रम मनाउन लागिएको हो ।
वार्षिकोत्सव कार्यक्रमका प्रमुख अतिथि अर्थमन्त्री विष्णु पौडेल रहनेछन् । विशेष अतिथि महालेखापरीक्षक तोयम राया, नेपाल राष्ट्र बैंकका गभर्नर महाप्रसाद अधिकारी र महालेखा नियन्त्रक डा. गणेश प्रसाद पाण्डे रहनेछन् ।
वार्षिकोत्सव कार्यक्रमका अवसरमा बिहान १० बजे सातौँ दीक्षान्त समारोह आयोजना हुनेछ । जसमा त्रिभुवन विश्वविद्यालयका उपकुलपति प्रा. डा. केशर जंग बराल प्रमुख अतिथि रहनेछन् भने प्रमुख वक्ता संयुक्त राष्ट्र संघका पूर्व लेखा परीक्षक सिए नवल किशोर यादव रहनेछन् ।
त्यस्तै, १ बजेदेखि ‘एमएल सिएफटी एण्ड ट्रेनिङ’ कन्फरेन्स । त्यस्तै, ५ बजेदेखि २८औँ वार्षिकोत्सव कार्यक्रम सुरु हुनेछ ।
प्रतिक्रिया दिनुहोस्