सिए सरोकार सम्बाददाता
काठमाडौँ । नेपाल चार्टर्ड एकाउन्टेन्ट्स संस्था (आईक्यान)को आयोजनामा पोखरामा अन्तराष्ट्रिय सम्मेलन हुने भएको छ । पोखराको होटल पोखरा ग्राण्डमा आईक्यानको आयोजनामा ‘इन्टरनेशनल कन्फरेन्स अन सस्टेनबिलिटी रिपोर्टिङ-२०२४’ आयोजना हुने भएको हो ।
कन्फरेन्स उद्घाटन, प्राविधिक सेसन अन्तर्गत सस्टेनेबल ईकोनोमि एण्ड बिजनेश अभ्यास, एडप्टिङ एण्ड इम्प्लिमेन्टिङ सस्टेनेबिलिटी रिपोटिङ स्ट्याण्डर्डस् आईएफआरएस एस वान र आईएफआरएस एस टू र एक्सपिरियन्स सेयरिङ अन सस्टेनेबल बिजनेश प्रयाक्टिस एण्ड सस्टेनेबिलिटी रिपोटिङ गरी तीन चरणमा सम्पन्न हुनेछ ।
कन्फरेन्समा अर्थमन्त्री डा.प्रकाशशरण महत, नेपाल राष्ट्र बैंकका गभर्नर महाप्रसाद अधिकारी, गण्डकी प्रदेशका मुख्यमन्त्री सुरेन्द्रराज पाण्डे, कार्यवाहक महालेखा परीक्षक बामदेव शर्मा अधिकारी र पोखरा महानगरपालिकाका मेयर धनराज आचार्य लगायतको उपस्थिति रहनेछ ।
कन्फरेन्स फागुन १९ गते (शनिबार) आयोजना हुनेछ । कन्फरेन्समा सहभागी हुनका लागि विदेशबाट पनि सहभागीहरु आउने क्रम जारी रहेको छ ।
प्रतिक्रिया दिनुहोस्