- सिए सरोकार सम्बाददाता
काठमाडौं । एनआइसी एशिया लघुवित्त वित्तीय संस्थाले चार्टर्ड एकाउन्टटेन्ट र सेमीक्वालीफाइड चार्टर्ड एकाउन्टटेन्टको माग गरेको छ । कम्पनीले एक सूचना जारी गर्दै कर्मचारीको माग गरेको हो । इच्छुक तथा योग्यता पुगेका नेपाली नागरिकहरुले अप्रिल २१ सम्म आवेदन दिन सक्ने भएका छन् ।
निवेदन पठाउँदा आफूले काम गर्न चाहेको पद, उमेर, अनुभव, सम्बन्धित पदका लागि तोकिएको शैक्षिक योग्यता लगायतका विवरणहरु उल्लेख गरिएको वायो डाटा संलग्न गर्नुपर्नेछ । उक्त पदमा आवेदन दिनेसँग राष्ट्रिय तथा अन्तराष्ट्रिय चार्टर्ड एकाउन्टटेन्ट सस्थाबाट चार्टर्ड एकाउन्टटेन्सी परीक्षा पास गरेको हुनु पर्नेछ । यस्तै सेमीक्वालीफाइड चार्टर्ड एकाउन्टटेन्टको लागि भने परीक्षा दिएर बसेका र पास हुन बांकीले पनि आवेदन दिन सक्ने भएका छन् ।
प्रतिक्रिया दिनुहोस्