विशेषगरी प्लस टु सकेर सिए पढ्न चाहाने विद्यार्थीहरुलाई लक्षित गर्दै एक विशेष टेलिभिजन कार्यक्रम सुरु हुने भएको छ । यहि जेठ १ गतेदेखि जेठ ७ गतेसम्म सिए सप्ताह २०७३ नामक टेलिभिजन कार्यक्रम आयोजना भएको हो। उक्त कार्यक्रममा सात दिनसम्म निरन्तर सिएका बारेमा बहस हुनेछ । कुन बोर्ड पढ्ने, कुन इन्स्टिच्युट पढ्ने लगायत विविध विषयमा उक्त कार्यक्रममा बहस हुने बताइएको छ ।
सिए सरोकार डटकमको आयोजनामा शुभम मिडिया प्रालिको संयोजनमा तिभी टुडे टेलिभिजनबाट उक्त कार्यक्रम लाइभ प्रशारण हुनेछ भने त्यसको रेकर्डेड भर्जन न्यूज २४ टेलिभिजनमा समेत प्रशारण हुनेछ । सिए सम्बन्धि आम विद्यार्थीलाई जानकारी दिने उधेश्यका साथ् यस्तो कार्यक्रम आयोजना गर्न लागिएको कार्यक्रम निर्माता सुरज प्याकुरेलको भनाइ छ ।
बेलुका ४ :३० बजेदेखि ५: ३० बजेसम्म उक्त कार्यक्रम एक हप्ताभर चल्ने बताइएको छ ।
प्रतिक्रिया दिनुहोस्