आन्तरिक राजस्व बिभागले उत्कृष्ट करदाताहरुलाई सम्मान गरेको छ। आज भएको एक कार्यक्रमका बीच करदाताहरुलाई सम्मान गरिएको हो। अर्थमन्त्री विष्णु पौडेलले उत्कृष्ट करतादाहरुलाई सम्मान गरेका हुन् ।
यो वर्ष सिप्रदि ट्रेडिङका अध्यक्ष सिद्धार्थ समशेर राणालाई उछिन्दै हिमालयन र एसियन डिस्टीलरीका लगानीकर्ता प्रगुणराज भण्डारी सबैभन्दा धेरै आयकर तिर्ने नेपाली भइ सम्मान पाएका छन् भने महिलातर्फ सबैभन्दा बढी आयकर तिर्ने व्यक्ति पनि हिमालयन डिस्टिलरी र एसियन डिस्टीलरीका लगानीकर्ता जया शाह भएकी छन् ।
त्यसैगरी, नविनतम उत्प्रेरक तथा सिर्जनशीलतर्फ अष्ट्रिच नेपाल प्रालिका सीपी शर्मा सम्मानित भएका छन् । त्यस्तै, साना करदातामा सम्सारा रेमिट, मझौला करदातामा नेपाल स्टक एक्सचेञ्ज, इञ्जिनियरङतिर्फ जेट कन्सल्ट्यान्ट प्रालि, दर्तावाल लेखा परिक्षकमा एसपी दाहाल एण्ड कम्पनी उत्कृष्ट करदाताबाट सम्मानित भएका हुन् ।
धेरै कर तिर्ने चिकित्सककोरुपमा डा. उपेन्द्र देवकोटा सम्मानित भएका छन् । त्यस्तै, अस्पतालमा निर्भक इन्टरनेसल अस्पताल, मेडिकल कलेजमा मणिपाल शिक्षण अस्पताल, हाउजिङमा सनराइज अपार्टमेन्ट, ट्राभलमा सीतावर्ड ट्राभल, शैक्षिक संस्थामा एपेक्स कलेज, प्रकाशनगृहमा गोरखापत्र संस्थान सम्मानित भएका छन् ।
त्यसैगरी सबैभन्दा बढी मुल्य अभिवृद्धि कर (भ्याट) तिर्ने कम्पनीकोरुपमा दूरसञ्चार सेवा प्रदायक एनसेल नेपाल परेकेा छ । गत वर्षपनि एनसेल नै सबैभन्दा धेरै कर तिर्ने कम्पनीकोरुपमा सम्मानित भएको थियो ।
प्रतिक्रिया दिनुहोस्