आइक्यानको वेव साइटको जिम्मा पाएको ग्लोबल आइटी विद्यार्थीको भविष्यमाथि खेल्दै

काठमाडौँ – आइक्यानको वेवसाइटको जिम्मा पाएको ग्लोबल आईटि नामक कम्पनी गैरजिम्मेवार देखिएको छ । २४ सै घण्टा सेवा दिने झुटो आश्वासन देखाएर साइटमा आएका थुप्रै समस्याहरु समाधान नगरी उक्त कम्पनीले आइक्यान अन्तर्गत सिए अध्यायन गरिरहेका विद्यार्थीहरुको भविष्यमाथि खेलबाड गर्ने प्रयास गरेको छ । आउँदो शनिबार हुने हल परिक्षाका लागि बुधबारसम्ममा विद्यार्थीले परिक्षा दर्ता गराईसक्नुपर्छ । तर बुधबार दिउँसोदेखि आइक्यानमा हल परिक्षा दर्ता गर्ने पेज नै खुलेको छैन भने उक्त कम्पनीले यसलाई बनाएको समेत छैन । 

कम्पनीको वेव साइटमा २४ सै घण्टा सेवा दिने भनिएको छ । तर बुधबार अत्याधिक विद्यार्थीको गुनासोपछी सिए सरोकारले कम्पनीमा फोन गर्दा फोन नै उठेन । कमशल खालको सेवा दिने र विद्यार्थीहरुको भविष्यमाथि खेलबाड गर्ने गरेको ग्लोबल आइटीलाइ आइक्यानका केहि कर्मचारीको मिलेमतोमा उक्त काम कमिसन कै भरमा आफुलाई पारिरहेको आरोप विभिन्न सरोकारवालाहरुले लगाउंदै आएका छन् ।

यसो त नेपालमा आइक्यानको आवश्यकता बुझेका सिएहरुलेनै समेत आइटी कम्पनी खोलेका छन् । तर सार्वजनिक खरिद ऐन अनुसार काम गर्नुपर्ने भएकाले सस्तोमा त्यो पनि कमिसनको भरमा  भएकाले यस्तो समस्या आएको गुनासो विभिन्न ठाउँबाट आउने गरेको छ ।