नियम विपरित खर्च गर्दैछन् उमेद्वारहरु !

आईक्यानको आशन्न चुनावका लागि कुल १८ जनाले मनोनयन  दर्ता गरेका छन् भने ति मध्ये कसैले पनि उमेद्वारी फिर्ता लिने कुरा बाहिर आएको छैन।  यसरि १८ उमेद्वारको  कूल चुनावी  खर्च कति होला भन्नेबारे सिए सरोकारले  तयार गरेको एक खाकामा चुनाव कै लागि  खर्च हुने रकम नियम बिपरित हुने गरेको  बुझिएको छ। आईक्यानको नियम अनुसार चुनावमा कुल एक लाख रुपैंया खर्च गर्न पाइने ब्यबस्था छ।  तर विभिन्न  उमेद्वारको चुनाव लड्ने खर्च एक लाख देखि ८ लाखसम्म भएको विश्लेषकहरुको भनाइ छ । केहि उमेद्वारहरु आफु जिरो कस्ट मै चुनाव जित्ने दावी गर्छन भने कतिपय उमेद्वारहरु  एक लाखसम्म खर्च हुने बताउँछन्। तर केहि उमेद्वारहरु भने आफ्नो नाम उल्लेख नगर्ने सर्तमा आईक्यानको नियम  सबैजसो उमेद्वारले मिच्ने गरेको दावी गर्छन्।

के के मा खर्च हुन्छ ? : चुनावमा विशेषत : भोट माग्दा गरिने प्रचारप्रसारमा  बढी खर्च हुन्छ।  विशेष: त चुनावी माहोल तताउन आयोजना हुने विभिन्न खाले बैठक, पार्टी, भेटघाटमा लाग्ने खर्च आईक्यानको नियम मिचेर हुने गरेको आरोप बिभिन्न सिएहरुलाई लाग्दै आएको छ  ।  यस अघि नै कतिपय उमेद्वारले सिएहरुको नवीकरण शुल्क तिरिदिएर लाखौँको खर्च गरिसकेको अपुस्ट खबर पनि बाहिर आएको थियो।  उमेद्वारको खर्चको निरिक्षण गर्ने भरपर्दो कदम आईक्यानले नउठाउने भएकाले पनि यस्तो नियम बिपरित कार्यहरु हुँदै आएको विश्लेषकहरु बताउंछन्।