चार्टड एकाउटेण्ट बन्ने उदेश्य लिएर उच्च शिक्षा अध्ययनका लागि राजधानी छिरेका तनहुँ घाँसीकुवा कमलबारीका २० बर्षिय लोमश शर्मा अध्ययन सगसगै मोडलिङ क्षेत्रमा प्रवेश गरेका छन् ।
पुतली सडक स्थित सिएआईमा सिएको दोस्रो तहमा अध्ययन गरिरहेका लोमशलाई म्यूजिक भिडियो निर्देशक आलोक शर्माले मोडलिङ क्षेत्रमा आउने अवसर प्रदान गरेका हुन् ।
“कलेजमा आयोजित कार्यक्रममा अतिथीका रुपमा आउनु भएका म्यूजिक भिडियो निर्देशक आलोक सर मेरो प्रस्तुती देखेर प्रभावित हुनुभएछ । ‘मेरो प्रस्तुतीबाट प्रभावित हुन भएका आलोक सरले मलाई म्यूजिक भिडियोमा खेल्ने अवसर प्रदान गर्नुभयो ।’ लोमशले भने ।
लोमश आफूले पहिलो पटक गायक तथा संगितकार भानुभक्त ढकालको ‘रात पनि नशामा दिन लागेछ ,वेहोशीमा हास्दा नि रिन लागेछ ‘ बोलको गीतमा अभिनय गरेको बताउँछन् । यो गीतमा लोमशलाई जस्मिन श्रेष्ठले साथ दिएकी छन् ।
तृबिक्रम पाण्डेको शब्द र न्हयू बज्राचार्यले संगित भरेको यो गीतमा लोमशले प्रेमी गुमाउँदाको पीडालाई अभिनय मार्फत प्रस्तुत गरेका छन् । आफू अभिनित म्यूजिक भिडियोले छोटो समयमा नै सयौं दर्शकको मन जितेको लोमश बताउँछन् ।
सिए पढ्दै गरेका लोमश अवसर पाए आगामी दिनमा समेत मोडलिङलाई निरन्तरता दिने समेत बताउँछन । मोडलिङमा पाइला चाल्न थालेका लोमशले सर्ट मूभि र्कमाण्यमा समेत अभिनय गरेका छन् । उक्त सर्ट मूभिमा लोमशले सन् २०१५ का मिस्टर नेपाल सन्दिप पोख्रेल सगै अभिनय गरेका छन् । -सेतीमादीडेलिमा खबर छ
प्रतिक्रिया दिनुहोस्