हालैसम्पन्न आईक्यानको सातौं परिषदको निर्वाचनमा निर्वाचित हुने १० जना चार्टर्ड एकाउन्टेन्ट सदस्य मध्ये सिए सुरेश देवकोटाले गत जेठ २९ गते भएको निर्वाचनमा समेत विजयी भएर लगातार तीन पटक (पांचौं, छैठौं र सातौं) आईक्यानको परिषदमा निर्वाचित हुने एक मात्र चार्टर्ड एकाउन्टेन्ट सदस्यको रुपमा आफुलाई उभ्याएका छन् । उनको प्रतिस्पर्धा ३-० नटआउट हुनपुगेको बजारको चर्चाले अहले नेपाली सिए बजार निकै नै तातेको छ । उम्मेदवारहरुमध्ये सबैभन्दा कम उमेरका भएर पनि विगतमा विभिन्न मुद्धाहरुमा लिएको स्पष्ट अडान र हालसम्म खासै विवादमा नआएका कारणले उनलाई यस पटक निर्वाचित हुन फाइदा पुगेको सरोकारवालाहरु बताउँछन् । आईक्यानबाट नै उर्तिण उनका लागि प्लस पोईन्ट भएको कुरामा खासै दुईमत नहोला । २००४ को डिसेम्बर परीक्षामा उर्तिण भएका देवकोटा क्याप वान र क्याप टुको एकाउन्ट विषयका प्राध्यापक पनि हुन् ।
एक ब्यक्ति एक पेशा अवधारणाका कट्टर पक्षधर देवकोटा लेखा तथा लेखापरीक्षण ब्यवसायमा भईरहेका विकृति तथा विसंगतीलाई निर्मुल पार्ने अभियानको निरन्तरता दिनको लागि आफ्नो जीत भएको बताउँछन् । साथै विशेषत आईक्यान एक शैक्षिक संस्था पनि भएकाले शिक्षाको क्षेत्रमा देखिएका समस्याहरुलाई समाधान गर्ने तथा चुनौति र अवसरलाई ब्यवस्थापन गर्दै आईक्यानलाई विश्वस्तीय ब्यवसायिक संस्थाको रुपमा विकास गर्न सहयोग उनको योजना रहेको उनले सिए सरोकारलाई बताए । विगतमा पनि शैक्षिक मुद्दाहरुमा खरो रुपले प्रस्तुत भएका देवकोटा आगामी दिनमा पनि सोलाई निरन्तरता दिने सोचमा रहेको बताउँछन् । नियमनकारी निकायको रुपमा आईक्यानको भुमिका केही ओझेलमा परेको र सोलाई सहीबाटोमा ल्याउन विभिन्न किसिमका उपायहरु अवलम्बन गर्नुपर्नेमा उनको जोड छ ।
आईक्यानको निर्वाचनमा नाम कहलिएका वरिष्ठ ब्यक्तिहरुलाई त बारम्बार पराजय आत्मसाथ गर्नु परिरहेको अवस्थामा कसरी सम्भव भयो लगातार तीन पटक सफल हुन परिषदको निर्वाचनमा ? भन्ने हाम्रो प्रश्नमा उनले भने “आफ्नो भन्दा पनि आईक्यान र लेखा एवं लेखापरीक्षण ब्यवसायको हितमा काम गरेको हुनाले अग्रज सरहरु, समकक्षी साथीहरु र नयां चार्टर्ड एकाउन्टेन्ट भाईबहिनीहरुको विश्वासले सम्भव भएको हो ।” ‘जिरो कस्ट मै चुनाव जित्छु भन्ने अभिव्यक्ति का कारण पनि निर्वाचन ताका चर्चामा आएका देवकोटा पाँचौंचौं परिषदको पार्षदको रुपमा २०६६ सालमा निर्वाचित हुंदा मात्र २६ वर्ष रहेका देवकोटाको यो सबैभन्दा कम उमेरमा आईक्यानको पार्षद हुने रेकर्ड अर्को आईक्यानले ल्याउन लागेको दश बर्षे अवधारणाका कारण अव कहिले तोडिने छैन ।
प्रतिक्रिया दिनुहोस्