आइक्यानका तत्कालिन अध्यक्ष नरेन्द्र भट्टराइको निकै ठुलो प्रयासमा अघि बढेको प्रक्रिया भएपनि आइक्यान र आइसीएइडब्लु बीचको एमआरए तुहाउन आइकयान अध्यक्षनै लागेको हल्ला सुनिएका बेला आइक्यानलाई आइसीएइडब्लुले औपचारिक पत्र पठाएको छ । आइसीएइडब्लुले पत्रमा एमआरएको फाइनल ड्राफ्ट पठाउन अनुरोध गरेको छ ।
यो सम्झौतामा निश्चित मापदण्ड हुने बताइएको छ । आइक्यानबाटनै उतिर्ण भएका सिए हुनुपर्ने, आइक्यानबाट उतिर्ण भइ कम्तिमा २ बर्ष लेखा व्यवसायमा संग्लग्न भएको हुनुपर्ने, लेखा व्यवसाय आफ्नै फर्ममा गरेको वा अन्य लेखा परिक्षण फर्ममा २ बर्ष काम गरेको हुनुपर्ने लगायतका मापदण्ड उक्त सम्झौतामा रहेको बताइएको छ ।
आइसीएइडब्लु विश्वमै चर्चित सिए इन्स्टिच्युट रुपमा लिइने गरेको छ । यद्यपी यो एमआरए हुन नदिन आइक्यान भित्रकै केहि जिम्मेवार पधाधिकारीहरु लागि परेको आरोप समय समयमा लाग्दै आएको छ ।
प्रतिक्रिया दिनुहोस्