आजको नयाँ पत्रिकाले ‘बेरोजगार हुँदैनन् सिए’ शिर्षकको फिचर समाचार छापेको छ। नयाँ पत्रिकाको २०७३ बैशाख २४ गते शुक्रबारको अंकमा उक्त शिर्षकको फिचर समाचार छापेको छ । तर समाचारबाट सिए पढ्न खोज्ने विद्यार्थीहरु आत्तिने खालको गलत कुरा लेखिएको छ भने आइक्यानका सम्बन्धित पधाधिकारीहरुको नाम समेत गलत लेखिएको छ ।
विद्यार्थीलाई भ्रम पर्नेगरी के लेखियो गलत ?
फिचरको अन्तिम भागमा लेखिएको छ, ‘ सिएमा क्याप एक, क्याप दुई र क्याप तीन सबैमा उतीर्ण हुन सबै बिषयमा ५० प्रतिशत अंक अनिवार्य ल्याउनुपर्छ । यदी सबै बिषयमा ५० प्रतिशतभन्दा कम अंक आएमा सबै बिषयको परिक्षा पुन: दिनुपर्ने ब्यबस्था रहेको प्राविधिक निर्देशक अधिकारीले बताए । ‘ जुन् विद्यार्थीलाई भ्रम उत्पन्न गराउने किसिमको छ ।
सहिचाहिं के हो त ?
सिएका सबै तहमा हरेक बिषयमा न्युनतम ४० अंक ल्याउनुपर्छ भने एग्रीगेट (औसत) मा ५० % अंक ल्याउनुपर्छ । नयाँ पत्रिकाले लेखेजस्तो सबै बिषयमा ५० प्रतिशतभन्दा कम अंक आएमा सबै विषयको परिक्षा दिनुपर्दैन । सिएमा ग्रुप प्रणाली हुन्छ । उदाहरणका लागि क्याप टुमा दुई समूह गरी कुल सात विषय हुन्छन् । पहिलो समुहमा ३ बिषय हुन्छ । यदि तीन बिषयमध्ये पहिलोमा ४०, दोश्रोमा ४० र तेश्रोमा ७० ल्यायो भने पनि विद्यार्थी उतिर्ण हुन्छ । हरेक बिषयमा न्युनतम ४० र अग्रिगेटमा ५० आएको खण्डमा विद्यार्थी उतिर्ण हुन्छ । नयाँ पत्रिकाले लेखेजस्तो कुनै एक बिषयमा ५० प्रतिशत अंक ल्याएन भने पुन : सबै बिषयको परिक्षा पनि दिनु पर्दैन । कुनै बिषयमा ६० वा सो भन्दा बढी ल्याई ‘एकजम्सन’ ठहरिएमा अर्को पटकको परिक्षामा त्यो बिषयको परीक्षा दिनुपर्दैन ।
को हुन् रामचन्द्र अधिकारी ?
आइक्यानमा हाल रामचन्द्र अधिकारी नामको कोहि पनि कर्मचारी छैनन् । समाचारमा आइक्यानका प्राविधिक निर्देशक रामचन्द्र अधिकारी लेखिएको छ, जुन सरासर गलत छ ।
प्रतिक्रिया दिनुहोस्