आईक्यान टू अख्तियार अपडेट : भ्रष्टाचार मुद्धामा आइक्यान अध्यक्ष प्रकाश लम्षाललाई कारवाहीको अन्तिम तयारी !

लम्षालको  राजनीतिक लाविङ भयो फेल

आफु विरुद्ध अख्तियारमा उजुरी परेपछि आइक्यान अध्यक्ष प्रकाश लम्षालले आफु निकट राजनीतिक पार्टीमा समेत अख्तियारमा परेको उक्त उजुरीलाई रोक्न लविङ गरेका थिए । तर उक्त उजुरी अख्तियार दुरुपयोग अनुसन्धान आयोगले  अर्थ मन्त्रालयमा पठाएपछी अर्थमन्त्रालयले आइक्यानलाई पत्र काटेको थियो । अन्तत: पत्र आइक्यानमा आएपछि यस बिषयमा सत्य तथ्य पत्ता लगाउन एक समिति बनेको  छ भने उक्त समितिले अध्यक्षलाई कारवाहीको सिफारिस गर्ने तयारी गरीरहेको बुझिएको छ । सुरुमा उक्त समितिमा रहेका अधिकांस सिएले लम्षाललाई कारवाही गर्न नहुने मनसाय राखेको भएपनि पछी आउन सक्ने चुनौती र सार्वजनिक खरिद ऐन विपरीत कार्य भएको स्पष्ट देखेपछि आइक्यान अध्यक्षलाई कारवाही गर्ने लाइनमा समिति पुगेको बुझिएको छ ।  

लम्षालको हारगुहार  

कुनै पनि तरिकाले आफु फस्ने भएपछि आइक्यान अध्यक्ष प्रकाश लम्षालले आफुलाई जोगाउन आइक्यानका केहि पूर्व अध्यक्ष, छानविन समितिका सदश्य, अर्थ मन्त्रालयमा आफु निकटका केहि र राजनीतिक व्यक्तित्वहरुलाई हारगुहार गरेका छन् । आइक्यानको इतिहासमै पहिलो पटक आइक्यान अध्यक्षलाई यस्तो कारवाही हुन लागेको भन्दै आफुलाई बचाउन उनले सम्बन्धित सबैलाई हार गुहार गरेका छन् । 

महेश खनाललाई अफ्ट्यारो
यो प्रकरणमा सबैभन्दा अफ्ट्यारो आइक्यानका उपाध्यक्ष महेश खनाललाई परेको छ । हालका आइक्यान अध्यक्ष प्रकाश लम्षालको ठुलो सहयोगमा चुनाव जितेका हुनाले पनि लम्षाललाई कारवाही गर्ने सिफारिस गर्ने नातिक बल उनीसँग छैन । तर लम्षाललाई कारवाहीको सिफारिस नगरी आफ्नो आगामी कार्यकाल असफल हुने निश्चित प्राय: भएपछि उनी तनावमा छन् । तर आफ्नो आगामी कार्यकाल जति नै असफल भएपनि आफ्ना गुरु समान, र चुनाव जिताउने सिए लम्षाललाई कुनै पनि हालतमा यो प्रकरणमा बचाउन उनी लागि परेको बुझिएको छ । यसो त समितिमा रहेका प्रकाश लम्षाल निकटका अधिकांस उनलाई बचाउने लाइनमा पुग्नुले महेश खनाललाई केहि सहजता भने हुनेछ ।


समितिले कारवाही नगरे सर्वोच्च जान्छु : उजुरीकर्ता 
यस बिषयमा सिए सरोकारलाई आफुले आइक्यान अध्यक्षविरुद्ध अख्तियारमा उजुरी गरेको बताउने आइक्यानका एक कर्मचारीलाई आइक्यान अध्यक्षले गरेको अनियमितताबारे छानविन गर्न समिति बनेको र उक्त समितिलाई सकेसम्म कारवाहीको सिफारिस नगर्न महेश खनालले लवीङ गरेकोबारे सोध्दा उनले यस्तो भएको खण्डमा आफु सर्वोच्च जाने र त्यसको सम्पूर्ण तयारी गरीसकेको बताएका छन् । उनी अगाडी भन्छन्, ‘म आइक्यानको कर्मचारी भएकाले अगाडी बढ्न मिल्दैन ।  तर आइक्यान अध्यक्षलाई कारवाही नभएसम्म यो बिषयमा लडीरहन सम्पूर्ण तयारी गरिसकेको छु ।

आइटी कमिटिका अध्यक्ष भरत रिजाल भन्छन्, समितिले मलाइ बयान लियोस्
आइक्यानमा आइटी तालिमलाई लिएर अनियमितता भएको आरोप सहित अख्तियारमा उजुरी परेको थियो । यस बिषयमा आइटी समितिका अध्यक्ष भरत रिजाललाई सोध्दा उनी भन्छन्, ‘अनियमितता भएको हो वा होइन भन्ने समितिको प्रतिवेदन आउन बाँकी छ । तर यस बिषयमा मलाइ बयान लियोस् समितिले । म भएको कुरा सबै स्पष्ट बताईदिन्छु । आइटी समितिको अध्यक्ष भएको नाताले यो प्रक्रियागत कुरा मलाइ थाहा छ । आरोपित  आइक्यान अध्यक्ष र उनी निकट कहिले काम पाउने संस्थाका बारेमा मलाइ जोडेर सम्म टिप्पणी गर्नुभएको छ । दुधको दुध, पानीको पानी छानविन समितिले छुट्टयाओस् भन्ने मेरो आशा छ ।  

  अव के हुन्छ ?

आइक्यानमा बढेको यो प्रक्रियासँगै केहि सम्भावित घटनाहरु देखिएका छन् । समितिले आइक्यान अध्यक्षलाई कारवाहीको अन्तिम सिफारिस गरेको खण्डमा आइक्यान अध्यक्षले नैतिकताको आधारमा राजीनामा दिन सक्ने सम्भावना छ । तर यो विषयलाई असार अन्तिमसम्म लम्ब्याएर नयाँ नेतृत्वलाई कार्यभार सुम्पिदै उनी अगाडी बढ्ने सोचमा रहेको हुन सक्ने स्रोतको भनाइ छ । 

आइक्यानमा गठन भएको समितिले अध्यक्ष लम्षाललाई कारवाहीको सिफारिस नगरे महेश खनाललाई आगामी दिनमा आइक्यानमा अन्य काउन्सिल सदस्यले नैतिक असहयोग गर्ने बताएका बेला यो प्रकरण महेश खनाललाई पनि भारी हुने देखिएको छ । महेश खनालकै सक्रियतामा आइक्यान अध्यक्ष प्रकाश लम्षाललाई कारवाही नगरे सर्वसम्मत रुपमा महेश खनाललाई अध्यक्ष हुन नदिने गरी अध्यक्षको अर्को उमेद्वार उठाउने पनि आइक्यान भित्रकै केहि काउन्सिल सदस्यको तयारी रहेको बुझिएको छ ।  

यता प्रकाश लम्षाललाई कारवाही नगरे सर्वोच्च जाने तयारीमा उजुरीकर्ता छन् । यसले पनि समितिले आइक्यान अध्यक्षलाई बचाएको खण्डमा यो प्रकरण अझ माथि जाने र महेश खनालको कार्यकाल पनि प्रभावित हुने देखिएको छ ।