आइक्यानले आगामी ‘जुन’ महिनामा संचालन गर्ने परिक्षामा सामेल हुन वा क्याप थ्री उतिर्ण गरेर आइटी तालिम नलिएकाहरुलाई सिए सदश्यता लिन अनिवार्य आइटी तालिम लिनुपर्ने भनेको छ । तर विद्यार्थीको समस्यालाई वेवास्ता गर्दै आइक्यानले भने कहिले र कहाँ आइटि तालिम संचालन गर्ने भन्ने निर्क्योल गर्न सकेको छैन ।
‘परिक्षा आइसक्यो, अब पढ्ने कि तालिम लिने । अझ तालिम लिन जान समय खर्चिनु पर्ने हुनाले पनि पढ्न समस्या भएको छ । आइक्यानले न तालिमको संचालन गर्छ, न ‘अनिवार्य आइटी तालिम’ को नियम हटाउँछ । अव त अति होइन ‘अत्याचार’ भइसक्यो । ‘ एक विद्यार्थीले सिए सरोकारसँग भने ।
विद्यार्थीलाइ साच्चै नै ‘अति’ होईन ‘अत्याचार’ भईसकेको छ । आइक्यानले तालिम संचालन गर्ने छाँटकाँट नदेखायेपछि यतिबेला विद्यार्थीहरुलाई ‘रुनु न हाँस्नु’ भएको छ ।
विद्यार्थीहरुको यो समस्याको समाधान गर्न आइक्यानको नेतृत्वले भने केहि पहल गरेको छैन । विद्यार्थीको यो समस्यालाई वेवास्ता गर्दै आइक्यान अध्यक्ष भने पाँच तारे होटलमा ‘सेल्फी’ खिचेर रमाइलो गर्न व्यस्त छन् ।
प्रतिक्रिया दिनुहोस्