सिए क्षेत्रमा युवा पुस्ता माझ निकै नै चर्चित सिए नील बहादुर सारु मगर नेपाल धितोपत्र बोर्ड (सेवन) को बोर्ड सदस्यमा नियुक्त भएका छन् । अर्थमन्त्री विष्णु पौडेलले उनलाई उक्त पदमा नियुक्त गरेका हुन् । २०१२ साल चैत्र ५ गतेको निर्णयबाट उनी उक्त पदमा नियुक्त भएका हुन् । सरकारले बिज्ञ सदश्य र अध्यक्ष गरी दुइ पदमा नियुक्ति दिने गरेको छ ।
नेपाल धितोपत्र बोर्डको संचालक समितिमा एक जना विज्ञ सदश्य नियुक्त हुने व्यवस्था अनुसार अवको तीन बर्षे कार्यकालका लागि उनी उक्त पदमा नियुक्त भएका हुन् । नेपाल धितोपत्र बोर्डको उपाध्यक्षमा आइक्यानका प्रतिनिधि समेत रहने ब्यबस्था छ ।
हाल उक्त पदमा सिए महेश खनाल छन् । सेबोनमा सरकारले नियुक्त गरेको अध्यक्ष र बिज्ञ सदश्य, आइक्यान र एफएनसीसीआइका उपाध्यक्ष पदेन सदश्य हुने ब्यबस्था छ भने नेपाल राष्ट्र बैंकबाट कार्यकारी निर्देशक, र नेपाल सरकार अन्तर्गत अर्थ मन्त्रालयबाट एक जना र कानुन मन्त्रालयबाट एक जना गरी दुइजना ‘जोइन्ट सेक्रेटरी’ रहने ब्यबस्था छ ।
सिए नील बहादुर सारु मगरलाई सिए सरोकारको तर्फबाट पनि हार्दिक बधाई एवम् सफल कार्यकालको शुभकामना
प्रतिक्रिया दिनुहोस्