आइक्यानको आयोजनामा दोश्रो सिए करियर एक्स्पो आयोजना हुने भएको छ । आइक्यानबाट सम्बन्धन लिएका विभिन्न संस्थाहरुको प्रायोजनमा उक्त करियर एक्स्पो संचालन हुन लागेको हो । यहि जेठ १ र २ गते उक्त करियर एक्स्पो संचालन हुन लागेको हो । काठमाडौँ ट्रेड टावर, थापाथलीमा उक्त एक्स्पो आयोजना हुनेछ ।
यस्तै एक्स्पो आइक्यानले गत बर्षपनि आयोजना गरेको थियो । जुन कार्यक्रमबाट कार्यक्रममा सहभागी कुनै पनि संस्थाले उक्त एक्स्पोमा लागेको खर्च उठ्ने गरी विद्यार्थी बटुल्न सकेका थिएनन् । पाँचतारे होटलमा विद्यार्थीको कार्यक्रम गर्नु, सञ्चार माध्यमलाई प्रचार प्रसारका लागि वास्ता नगर्नु र आइक्यान अन्तर्गत सबैभन्दा बढी विद्यार्थी भएको इन्स्टिच्युटलाई कार्यक्रममा सहभागीता नजनाउनु कार्यक्रमको ठुलो कमजोरीको रुपमा लिइएको थियो ।
समग्रमा गतबर्ष उक्त कार्यक्रम ‘सुपर फ्लप’ भएको थियो । उक्त एक्स्पो आयोजना गर्दा एक इन्स्टिच्युटको भागमा लाख रुपैयाँ भन्दा बढी खर्चको भाग आएको थियो भने त्यस अनुपातमा नतिजा लगभग ‘सुन्य’ थियो ।
बिगतको बर्ष यो एक्स्पो खासै फाइदाजनक नभएको बताउने इन्स्टिच्युट पनि आइक्यानको सम्बन्धन भएकै कारण बाध्य भएर यस एक्स्पोमा भाग लिएका छन् । आफ्नो र आफ्नो संस्थाको नाम उल्लेख नगर्ने सर्तमा एक सिए इन्स्टिच्युटका संचलाकले भने, ‘हामीलाई थाहा छ, यो एक्स्पोबाट कुनै फाइदा हुनेवाला छैन । तर पनि सम्बन्धन प्राप्त संस्था भएकाले भाग लिनै पर्यो ।’
यो एक्स्पो गर्न आइक्यानको खासै तयारी छैन भने केहि ठूला सिए इन्स्टिच्युटले मौन रुपमै भएपनि यो एक्स्पोलाई बहिस्कार गरिरसकेका छन् ।
प्रतिक्रिया दिनुहोस्