नेपाली समाजमा जता पनि ठिक्क पार्ने हरुलाई ‘दहीचिउरे’ भन्ने चलन छ। एकजनासंग एउटा कुरा गर्ने अनि अर्को संग अर्कै कुरा गर्ने हरुलाई दुई जिब्रे भन्ने चलन पनि छ। त्यस्तै नेपाली सिए बजारमा पनि दुईजिब्रे भोटरको ‘दहीचिउरे’ कुरा अहिले चर्चामा छ। आईक्यानको चुनावी माहोल तातिंदै गर्दा आईक्यानमा भोट माग्ने रफ्तार जारी छ। फोन गरेर होस् वा प्रतक्ष भेटेर उमेद्वारहरु भोट माग्न ब्यस्त छन् भने यहि मौकाको गलत फाइदा उठाउँदै कतिपय उमेद्वारहरु विभिन्न खाले बार्गेनिंङ गरिरहेका छन्। बजारमा यस्ता भोटरहरु पनि भेटिए जसले एक वा दुई जना मात्र होइन ४ जनालाई एक नम्बरको भोटको दिने सम्बन्धित उमेद्वारलाई प्रतिज्ञा गरेका छन्।
“एक्यानको पार्टीमा आउनु भएन नि ?” सिए सरोकारको प्रश्न भुइँमा खस्न नपाउंदै नेपाली बजार एक चर्चित सिए बोले “अब आफ्नो भोट छ एउटा ! दिन्छु भनेको छु दुई जनालाई ! अब त्यहाँ आएपछी हल्का (रक्सि) दिनै पर्यो। खाएको बेला खुस्क्यो भने त खुस्कि हाल्यो नि ! ” “तपाइँजस्तो दुई ठाउँमा भोटको प्रतिज्ञा गर्ने थुप्रो छन् होला है ? ” भन्ने सिए सरोकारको प्रश्न मा उनी भन्छन्, “धेरै त नभनौं बजारमा ५० बढी यस्तै भोट छन्। “
भर्खरै सिए पास गरेका अर्का एक सिए पनि आफुले दुई ठाउँमा भोट प्रतिज्ञा गरेको सुनाउंछन्। ” एक जना आफ्नै फर्मको मान्छे भोट दिन्छु भन्नु परिहाल्यो। अर्को झन् बेलामा आफुलाई सहयोग गरेको मान्छे , आफ्नै फर्मको मान्छे उमेद्वार भए पनि तपाइँलाई दिन्छु भन्नु परिहाल्यो ” उनी भन्छन्। उनी पनि पहिलो भोट कसलाई दिन्छु भन्ने कुराको भने अझै टुंगो नलागेको तर प्रतिज्ञा भने दुई जनालाई दिएको बताउँछन्। यसरि बजारमा दुई जिब्रे भोटरहरुको बिगबिगी रहेको बुझिएको छ।
कतिपय उमेद्वारहरुलाई भने यस्ता भोटरको बारेमा राम्रो जानकारी छ। “को आफ्नो भोटर हो को अर्काको भन्ने अलि अलि छिन्न थालेको छु।” आईक्यानको चुनावमा उमेद्वारी दिएका एक सिएले बताए।
प्रतिक्रिया दिनुहोस्