होलीमा यसरी झूमे लक्ष्मीनगरका विद्यार्थीहरु (फोटो फिचर)

होली मनाउन कै लागि सबै संस्था मिलेर विशेष टिसर्ट बनाएका थिए जसमा अगाडी भागमा नेपालको झण्डा अनि झण्डा भन्दा तल नेपालको संविधान २०७२ , शान्त र समृद्धि नेपालको आधार भनेर लेखेको थियो । बिभिन्न धर्म मान्नेहरु होली नमनाएता पनि उक्त कार्यक्रममा टिसर्ट लगाएर रमाएका थिए । टिसर्टको डिसाइन दिलिप खनालले गरेका थिए भने अन्य सबै प्रचार प्रसारका सामाग्रीहरुको डिसाइन रोहित नेपाल र प्रतिक न्यौपानेले गरेका थिए ।  कार्यक्रम दिउसोको १२ बजे देखि सुरु भएको थियो जसमा नाच , गान र विद्यार्थीहरु संगीतमा झूमेका थिए । कार्यक्रमको संचालन बादल बस्नेत र दीपेन्द्र उपाध्यायले गरेका थिए । कार्यक्रममा अमित थापा , प्रतिक्षा देवकोटा , कुमार मल्ल , सुरेन्द्र पाण्डे लगायतको विशेष प्रस्तुति रहेको थियो । कार्यक्रमको प्रचार प्रसार पनि ब्यापक रूपमा भएको थियो जसमा आमोद के सी आधिकारिक मोडलको रुपमा उपस्थित थिए ।

कार्यक्रममा अहिले सम्म कै विद्यार्थीहरुको जनसागर ओर्लिएको थियो । लगभग २००० हाराहारीको उपस्थितिमा कार्यक्रम सम्पन्न भएको थियो । डि जे काजि र डि जे आमोदले उक्त कार्यक्रमलाई संगीतमा झुमाएका थिए । कार्यक्रममा भारत भरिका विशेष अतिथि लगायत विद्यार्थीहरुको उपस्थिति रहेको थियो । यस अघि २३ तारिकका दिन ” कबड्डी कबड्डी ” चलचित्रको विशेष च्यारिटी प्रदर्शन गरेको थियो । यसका साथसाथै उक्त दिन मुस्ताङ  कार्निवल रेस्टोरेन्टमा  विभिन्न नेपाली  खानाका परिकारहरुको समेत मज्जा लिएका थिए ।