यसै त कर भनेपछी धेरै व्यवसायीहरुलाई ज्वरो आउने गर्दछ । त्यसमाथि पनि कर सम्बन्धि प्रशिक्षार्थीको कमीका कारण करदाता शिक्षामा कमी आएको महसुस गर्दै आन्तरिक राजश्व बिभाग र नेपाल उद्योग बाणिज्य महासंघको संयुक्त संयोजनमा स्थानीय तहमा करदाता प्रशिक्षक तयार गर्ने उदेश्यले विशेष करदाता तालिमको आयोजना भएको छ ।
कार्यक्रमको पहिलो चरणमा नमुनाको रुपमा कैलाली, बाँके दाङ, रुपन्देही र काभ्रेबाट प्रति जिल्ला दुइ जनालाई छनोट गरी तालिम संचालन गरिएको थियो । तालिमको संयोजनमा आइक्यानले पनि सहयोग गरेको छ । विभिन्न संस्थाको सहकार्यमा सम्पन्न भएको उक्त कार्यक्रममा बरिष्ट सिए मुकुन्द देव अधिकारी र ज्ञानेन्द्र भारीले कर बिज्ञको रुपमा तालिम प्रदान गर्नु भएको थियो ।
उक्त कार्यक्रम प्रशिक्षकहरुलाई समेत प्रशिक्षण भएको आयोजकको भनाइ छ । ६ दिनसम्म संचालन भएको उक्त तालिममा तालिम लिएकाहरुलेतालिम पश्चात स्थानीय स्तरमा विभिन्न जिल्लाहरुमा बार्षिक २० लाख सम्म कारोबार भएका २० लाख देखि ५० लाख सम्म कारोबार भएका र ५० लाख देखि ४ अर्ब सम्म कारोबार हुने ब्यबसायसंग सम्बन्धित कर का विभिन्न पक्षहरु बारे तालिम प्रदान गर्ने बताइएको छ ।कार्यक्रमका प्रक्सिक्षक 2 कर विज्ञले स्थानीय स्तरमा दिइएको कर सम्बन्धि तालिमलाई निरीक्षण तथा मुल्यांकन गर्ने बताइएको छ ।
कार्यक्रम समापनमा आन्तरिक राजस्व विभागका तर्फबाट महानिर्देशक चुनामणि शर्मा र नेपाल उद्योग बाणिज्य महासंघका अध्यक्ष पशुपति मुरारकाले जिल्लामा तालिम संचालन गर्ने बारे सम्झौता पत्रमा हस्ताक्षर गरेका थिए ।
प्रतिक्रिया दिनुहोस्