चितवनको बैकुण्ठ तालमा डुबेर सिए अर्जुन गौतमको निधन

• सिए सरोकार सम्बाददाता

काठमाडौँ । चितवनमा तालमा डुबेर चार्टर्ड एकाउन्टेन्ट (सिए) अर्जुन गौतमको निधन भएको छ । चितवनको बैकुण्ठ तालमा घुम्न गएका ३५ वर्षीय गौतमको तालमा डुबेर निधन भएको हो ।

उनी ताल नजिकै रहेको ढुंगामा चढेर फोटो खिच्ने क्रममा चिप्लिएर तालमा खसेका थिए । ताल गहिरो भएकाले र खासै पौडी नजानेको भएकाले उनी त्यही तालमा बेपत्ता भएका थिए ।

विपद् व्यवस्थापन टोलिसहितको प्रहरी टोलीले उनको शव तालमा फेला पारेको हो । उनको शव तालको हिलोमा गडेको अवस्थामा भेटिएको प्रहरीले जनाएको छ ।