गरिमा क्यापिटलको अध्यक्ष बने सिए. दीपक पाण्डेय

काठमाडौँ । नेपाल चार्टर्ड एकाउन्टेन्ट्स संघ (एक्यान)का पूर्व अध्यक्षसमेत रहेका सिए दीपक पाण्डेय गरिमा क्यापिटल लिमिटेडको अध्यक्ष पदमा निर्वाचित भएका छन् । कम्पनीको छैटौं वार्षिक साधारण सभाले उनलाई संचालक पदमा निर्वाचित गरी त्यस लगत्तै बसेको संचालक समितिको बैठकबाट उनलाई अध्यक्ष पदमा चुनेको थियो ।

गरिमा बिकास बैंकले साबिकको केसीएल अस्ट्युट क्यापिटल खरिद गरेपछि सो क्यापिटलको नाम गरिमा क्यापिटल भएको हो ।

कम्पनीको अध्यक्ष पदमा चुनिएपछी उनले यसका लागि सबैलाई धन्यवादसमेत दिएका छन् । 'गरिमा क्यापिटल लिमिटेडको छैटौं वार्षिक साधारण सभाबाट मलाई संचालक पदमा निर्वाचित गरी त्यस लगत्तै बसेको संचालक समितिको बैठकबाट अध्यक्ष पदमा मनोनयन गर्नुभएकोमा म सम्पूर्ण शेयरधनी महानुभावहरु एवं संचालक समितिका सदस्यज्यूहरु प्रति हार्दिक कृतज्ञता ज्ञापन गर्न चाहन्छु । साथै, यहाँहरूले म प्रती दर्शाउनु भएको यस विश्वासलाई उच्च कदर गर्दै आफ्नो जिम्मेवारीमा खरो उत्रिई आगामी दिनमा गरिमा क्यापिटल लिमिटेडलाई नयाँ उचाईमा पुर्याउन अझ सशक्त ढंगबाट अगाडी बढ्ने प्रतिबद्धता व्यक्त गर्न चाहन्छु ।' दीपक पाण्डेले सबैलाई धन्यवाद दिंदै सन्देश दिएका छन् ।

सिए पाण्डेय एकेडेमी अफ कर्मशसहित झन्डै आधा दर्जन संस्थाका संचालकसमेत हुन् । उनी केहि समय अगाडी मात्रै प्रभु लाइफ इन्स्योरेन्सको समेत संचालक बनेका थिए ।