नेपाल राष्ट्र बैंकका गभर्नर चार्टर्ड एकाउन्टेन्ट महाप्रसाद अधिकारी एक्यानद्वारा सम्मानित

• सिए सरोकार सम्बाददाता

काठमाडौँ । नेपाल राष्ट्र बैंकका गभर्नर सिए महाप्रसाद अधिकारी सम्मानित भएका छन् । नेपाल चार्टर्ड एकाउन्टेन्ट्स संघ (एक्यान)को ३६ औं बार्षिक साधारण सभाका अवसरमा उनी सम्मानित भएका हुन् । सिए प्रोफेसनका आइकनका रुपमा काम गरेर प्रोफेसनमा योगदान दिएको भन्दै उनलाई सम्मानित गरिएको हो । सो अवसरमा उनीसँगै नेपालको सिए क्षेत्रमा योगदान दिने अन्य सिएहरुलाई पनि सम्मान गरिएको थियो ।

सम्मानपछी बोल्दै उनले नेपालको अर्थतन्त्रलाई सहि अर्थमा रुपान्तरण गर्ने काम चार्टड एकाउन्टेन्टबाटमात्र सम्भव भएको बताएका छन् । आफु सिए प्रोफेसनले दिएको शिक्षा र अनुभवकै कारण गभर्नर भएको स्मरण गर्दै उनले आफुलाई योग्य ठानेर गभर्नरमा नियुक्ति दिएकोमा सरकारलाई धन्यवादसमेत दिएका छन् । सिएजतिको अर्थतन्त्र जान्ने कोहि नपाएको बताउँदै उनले आफु आबद्ध संस्था नेपाल राष्ट्र बैंकमा पनि हरेकजसो विभागमा सिएहरुको ठुलो माग रहेको बताएका छन् ।