लेखाशास्त्र अध्यापन गराउने ३२ वटा कलेजका शिक्षकहरूलाई पाठ्यक्रमबारे तालिम

• सिए सरोकार सम्बाददाता

काठमाडौं । लेखाशास्त्र अध्यापन गराउने ३२ वटा कलेजका शिक्षकहरूलाई पाठ्यक्रमबारे तालिम सञ्चालन गरिएको छ । एसीसीए नेपाल र एसीए कलेज अफ मेनेजमेन्टको संयुक्त आयोजनामा परिवर्तित पाठ्यक्रमबारे उक्त तालिम सञ्चालन गरिएको हो ।

पाल्पा, नवलपरासी र रुपन्देहीका लेखाशास्त्र अध्यापन हुने ३२ वटा कलेजका शिक्षकहरुलाई नयाँ पाठ्यक्रममा समावेश गरिएका केही नयाँ पाठ्य सामाग्री (एनएएस तथा एनएफआरएस) लाई समेत ध्यान दिएर ‘सर्टिफिकेट इन इन्टरनेसनल फिनान्सियल रिर्पोटिङ स्ट्याण्डर्ड’ सम्बन्धी एक दिने तालिम रुपन्देहीमा सञ्चालन गरिएको एनसिएले जनाएको छ ।

तालिमको पहिलो शत्रमा कलेजका प्रतिनिधि बलराम पौडेल र दोश्रो शत्रमा कर्ण थापाले प्रशिक्षण दिएका थिए । कार्यक्रममा रुपन्देही जिल्लाका हिसान, प्याब्सन, एनप्याब्सन र विभिन्न शिक्षक संगठनका प्रतिनिधि, उद्योगी, व्यवसायी र बैंकिङ क्षेत्रसँग आवद्ध व्यक्तिहरुको पनि उपस्थिति रहेको थियो ।